डॉ. पतंगराव कदम महाविद्यालयात स्वातंत्र्यदिन उत्साहात साजरा
डॉ. पतंगराव कदम महाविद्यालयात स्वातंत्र्यदिन उत्साहात साजरा
सांगली : येथील भारती विद्यापीठाच्या डॉ. पतंगराव कदम महाविद्यालयात स्वातंत्र्यदिन उत्साहात साजरा करण्यात आला. यावेळी महाविद्यालयाचे प्र. प्राचार्य डॉ.एस.व्ही.पोरे यांच्या शुभहस्ते ध्वजारोहण करण्यात आले. उपस्थितांना संदेश देताना ते म्हणाले की, १५ ऑगस्ट २०२५ रोजी भारत आपला ७९ वा स्वातंत्र्यदिन साजरा करत आहे. संपूर्ण देश हा दिवस मोठ्या उत्साहाने साजरा करतो. त्याचबरोबर आपल्या प्रत्येक भारतीयांना स्वातंत्र्याच्या लढ्याची आठवण करून देतो व देशासाठी प्रेम,आदर आणि एकता वाढवतो. देशाला स्वातंत्र्य मिळवण्यासाठी ज्या वीरांनी आपल्या प्राणाची आहुती दिली यांचे सर्वप्रथम स्मरण या दिवशी केले पाहिजे.
यावेळी एन.सी. सी. मधील विद्यार्थ्यांनी मानवंदना संचलनाचे प्रात्यक्षिक सादर केले. याप्रसंगी स्वातंत्र्यदिनाचे औचित्य साधून सांस्कृतिक विभागातर्फे विद्यार्थ्यांच्या कलागुणांना संधी देण्यासाठी विविध कार्यक्रमाचे सादरीकरण करण्यात आले. तसेच एन.एस.एस. विभागाच्या वतीने हर घर तिरंगा या मोहिमे अंतर्गत जनजागरण रॅली सांगलीवाडी परिसरात काढण्यात आली.
महाविद्यालयाचे उपप्राचार्य डॉ.ए.आर.सुपले, कनिष्ठ विभागाचे प्रमुख प्रा. अरूण जाधव, शारीरिक शिक्षण संचालक डॉ.अमर तुपे, एन. एस. एस.विभागप्रमुख डॉ.रुपाली कांबळे, एन.सी.सी. विभागप्रमुख डॉ.महेश कोल्हाळ उपस्थित होते. या कार्यक्रमाचे नियोजन जिमखाना विभागाच्या वतीने करण्यात आले. यावेळी महाविद्यालयातील सर्व प्राध्यापक, शिक्षकेतर कर्मचारी व आजी-माजी विद्यार्थी मोठ्या संख्येने उपस्थित होते.
(Bharati Vidyapeeth's Dr. Patangrao Kadam Mahavidyalaya, Sangli)
Post a Comment