JEE Main 2020 क्रॅक करण्यासाठी जाणून घ्या टिप्स...!

JEE Main 2020 क्रॅक करण्यासाठी जाणून घ्या टिप्स...! 

JEE 2020 ची परीक्षा जुलैमध्ये घेण्यात येणार आहे. १८ ते २३ जुलै दरम्यान देशभरातील विविध केंद्रांवर परीक्षा घेण्यात येणार आहे. त्यामुळे विद्यार्थ्यांना तयारीसाठी अधिक वेळ मिळाला आहे. विद्यार्थ्यांनी हा तयारीचा वेळ सत्कारणी लावायला हवा. लाॅकडाऊनच्या काळात विद्यार्थ्यांची उत्तम उजळणी होऊ शकते. म्हणून आम्ही देत आहोत आम्ही जेईई मेन 2020 परीक्षार्थींसाठी ५ सोप्या व आवश्यक टिप्स. या पाच गोष्टींवर तुम्ही भर दिलात तर जेईई नक्की क्रॅक करू शकाल. 

जेईई मेन क्रॅक करण्याच्या टिप्स:

१. तिन्ही विषयांवर लक्ष केंद्रित करा

परीक्षेत यशस्वी होण्यासाठी कुठलाही विषय दुर्लक्षित ठेऊ नका. रसायनशास्त्र, भौतिकशास्त्र, गणित या तीनही विषयांची तयारी करा. कोणत्याही एका विषयामध्ये कमी पडलात तर जेईई मेन क्रॅक करण्याची तुमची मेहनत कमी पडू शकते.

२. उजळणीकडे लक्ष द्या

बहुतांश विद्यार्थ्यांनी त्यांचा अभ्यासक्रम पूर्ण केलेला असावा, ज्यांनी अभ्यासक्रम पूर्ण केला आहे त्यांनी त्याच्या उजळणीवर भर द्यावा. उजळणी करण्यासाठी, दिवस आणि विषय / धडा निवडा आणि त्यानुसार उजळणी पूर्ण करा. ज्या विषयांमध्ये आपण कमकुवत आहात त्या विषयांवर अधिक लक्ष केंद्रित करा.

३. मॉक टेस्टची मदत

मॉक टेस्ट्स म्हणजेच सराव चाचणी प्रत्यक्ष परीक्षेच्या तयारीसाठी खूप उपयुक्त ठरतात. विद्यार्थी मॉक टेस्टच्या मदतीने पेपर वेळेत पूर्ण करण्याचा सराव करू शकतात. एनटीए वेबसाइटवर जाऊन मॉक टेस्ट दिली जाऊ शकते.

४. मागील वर्षांचे पेपर सोडवा

विद्यार्थ्यांनी मागील वर्षांचे पेपर सोडविण्यास वेळ दिला पाहिजे. असे केल्याने आपल्याला पेपरची पातळी समजू शकेल.

५. ब्रेक घेत रहा, सकारात्मक रहा

अनेक विद्यार्थी सतत तासनतास परीक्षेची तयारी करतात, यामुळे त्यांना मानसिक थकवा जाणवतो. मेंदूवरही ताण येतो. म्हणून विद्यार्थ्यांनी मन व शरीर शांत करण्यासाठी वेळोवेळी ब्रेक घ्यावा. दोन तास अभ्यास केल्यानंतर विद्यार्थ्यांनी अर्ध्या तासाची विश्रांती घ्यावी आणि त्यानंतर पुढील अभ्यास सुरू करावा. तसेच विद्यार्थ्यांनी सकारात्मक असणेदेखील आवश्यक आहे. तेव्हा सकारात्मक विचार करा आणि सोबत मेहनत करा. यश तुमचेच असेल.