डॉ. पतंगराव कदम महाविद्यालयात मातोश्री बयाबाई कदम स्मृतिदिन साजरा

 डॉ. पतंगराव कदम महाविद्यालयात मातोश्री बयाबाई कदम स्मृतिदिन साजरा 

सांगली : येथील भारती विद्यापीठाचे डॉ. पतंगराव कदम महाविद्यालयात मातोश्री बयाबाई श्रीपतराव कदम यांच्या प्रतिमेचे पूजन करून त्यांच्या स्मृतीस अभिवादन करण्यात आले. याप्रसंगी बोलताना महाविद्यालयाचे प्र.प्राचार्य डॉ. एस. व्ही. पोरे  म्हणाले की, मातोश्री बयाबाई कदम यांनी अत्यंत कष्टातून आपल्या मुलांना शिकविले. आपल्या मुलांनी शिक्षण घेतले पाहिजे असे त्यांना नेहमी वाटत असे.  शिक्षणाशिवाय तरणोपाय नाही हे त्यांना त्या काळात उमगले होते.  माता ही केवळ जीवनाचा  आधारस्तंभ नसून ती एक शक्ती असते याचे उत्तम उदाहरण असलेल्या मातोश्री बयाबाई कदम यांनी अत्यंत प्रतिकूल परिस्थितीत शिक्षणाद्वारे समाज परिवर्तन करणाऱ्या डॉ. पतंगराव कदम यांना घडविले. 

यावेळी महाविद्यालयाचे उपप्राचार्य डॉ. अमित सुपले, कनिष्ठ विभाग प्रमुख प्रा. अरुण जाधव उपस्थित होते.तसेच महाविद्यालयातील सर्व प्राध्यापक, शिक्षकेतर सेवक आणि विद्यार्थी मोठ्या संख्येने उपस्थित होते.

(Bharati Vidyapeeth's Dr. Patangrao Kadam Mahavidyalaya, Sangli)