डॉ. पतंगराव कदम महाविद्यालयात आंतरराष्ट्रीय योग दिन साजरा

 डॉ. पतंगराव कदम महाविद्यालयात आंतरराष्ट्रीय योग दिन साजरा

सांगली: येथील भारती विद्यापीठाच्या डॉ. पतंगराव कदम महाविद्यालयात आंतरराष्ट्रीय योग दिन मोठ्या उत्साहात साजरा करण्यात आला. याप्रसंगी जिल्हा परिषद सांगली, विश्व योग दर्शन सांगली आणि चितळे डेअरी भिलवडी यांच्या समवेत 'भक्ति योग' हा कार्यक्रम आभासी पद्धतीने आयोजित करण्यात आला. यावेळी  महाविद्यालयाचे प्र. प्राचार्य डॉ. एस. व्ही. पोरे उपस्थित होते. जागतिक योगासनांचे महत्त्व सांगताना डॉ. पोरे म्हणाले की, योगाचे आपल्या जीवनात खूप महत्त्व आहे. यामुळे शारीरिक व मानसिक आरोग्य सुधारते. योग केल्याने तणाव कमी होतो, लवचिकता वाढते व शरीराला बळकटी मिळते. त्याचबरोबर मन, बुद्धी आणि शरीराला उर्जा देखील मिळते. त्यामुळे आपण दिवसभर प्रसन्न राहतो. केवळ योग दिनाच्या दिवशी योग न करता वर्षभर रोज योगासनांचा व प्राणायामाचा सराव करणे गरजेचे आहे. योग आपल्याला एक चांगली जीवनशैली जगण्यास मदत करते. 

केंद्र प्रमुख डॉ.रूपाली कांबळे व डॉ. महेश कोल्हाळ यांनी सर्व विद्यार्थी व प्राध्यापकांकडून योगासनांची प्रात्याक्षिके करून  घेतली. तसेच प्रा. अमोल वंडे व जगताप सर यांनी कार्यक्रमाची तांत्रिक बाजू पार पाडली आणि विद्यार्थ्यांचे रजिस्ट्रेशन कॉम्प्यूटर सायन्सच्या  प्रा.प्राची पाटील यांनी केले. यावेळी महाविद्यालयातील सर्व प्राध्यापक व शिक्षकेतर कर्मचारी, विद्यार्थी यांनी उत्स्फूर्तपणे सहभाग नोंदवला. या कार्यक्रमाचे आयोजन शारीरिक शिक्षण विभाग , एन.एस.एस  व एन.सी.सी. विभागातर्फे करण्यात आले. 

“ योग शरीरासाठी आरोग्य, मनासाठी शांती आणि आत्म्याकरिता उन्नतीचा मार्ग" या तत्त्वज्ञानाचा अनुभव या दिवशी प्रत्येक उपस्थिताने घेतला.

(Bharati Vidyapeeth's Dr. Patangrao Kadam Mahavidyalaya, Sangli)